അതിപുരാതനകാലം മുതല്‍ (ബി.സി. 4500) ഇന്ത്യയില്‍ ജലശുദ്ധീകരണം നിലനിന്നിരുന്നു എന്നാണ് പ്രാചീനഗ്രന്ഥങ്ങളില്‍ നിന്ന് മനസ്സിലാകുന്നത്. ജലം ശുദ്ധീകരിക്കേണ്ടതിന്റെ ആവശ്യകത എല്ലാവര്‍ക്കും ബോധ്യമായതിനാല്‍ ജലശുദ്ധീകരണത്തിന് വേണ്ടിയുള്ള പരീക്ഷണ നിരീക്ഷണങ്ങള്‍ ശാസ്ത്രലോകത്തിന് എന്നും താല്‍പര്യമുള്ളതായിരുന്നു. അമിതമായ ജനസംഖ്യാവര്‍ധനവും അതിനോടനുബന്ധിച്ചുള്ള ജലമലിനീകരണവും സാധാരണമായ ഇക്കാലത്ത് പുതിയതും ചെലവ് കുറഞ്ഞതുമായ ജലശുദ്ധീകരണ സംവിധാനങ്ങളുടെ പ്രാധാ ന്യം എടുത്ത് പറയേണ്ടതില്ലല്ലോ
ശുദ്ധമായ ജലത്തെ എങ്ങനെ തിരിച്ചറിയാം?ശുദ്ധമായ ജലത്തിന്റെ യോഗ്യതകള്‍ ഏകദേശം താഴെ പറയുന്നവയാണ്.
1 ജലം തെളിഞ്ഞതായിരിക്കുക
2 നിറവും മണവുമില്ലാതിരിക്കുക
3 രോഗാണുക്കള്‍ ഇല്ലാതിരിക്കുക
4 അപകടകാരികളായ ധാതുലവണ ങ്ങള്‍ ഇല്ലാതിരിക്കുക
5 ശരീരത്തിനാവശ്യമായ ധാതുലവണങ്ങള്‍ ഉണ്ടായിരിക്കുക
6 നിറം ഉണ്ടാകാതിരിക്കുക
എന്താണ് ജലശുദ്ധീകരണം?
ജലശുദ്ധീകരണം എന്നു പറഞ്ഞാല്‍ മേല്‍ പറഞ്ഞതു പോലെയുള്ള യോഗ്യതകളില്ലാത്ത ജലത്തെ ചില പ്രക്രിയകളിലൂടെ യോഗ്യതയുള്ളവയാക്കിയെടുക്കുകയാണെന്ന് പറയാം. ചുരുങ്ങിയ ചെലവില്‍, ശുദ്ധവും രോഗാണുവിമുക്തവുമായ ജലം ലഭ്യമാക്കുകയെന്നതാണ് ജലശുദ്ധീകരണത്തിന്റെ പ്രധാനലക്ഷ്യം. ആധുനിക ജലശുദ്ധീകരണമാര്‍ഗ്ഗങ്ങള്‍ കുറ്റമറ്റ രീതിയില്‍ നടപ്പിലാക്കുക എന്നതാണ് വാട്ടര്‍ അതോറിറ്റിപോലുള്ള സ്ഥാപനങ്ങളുടെ പ്രധാനഉദ്ദേശ്യം. കേരളത്തില്‍ പൊതുവേ കാണപ്പെടുന്ന ജലമലിനീകരണപ്രശ്‌നങ്ങള്‍ താഴെപറയുന്നവയാണ്:
2 പി.എച്ച് മൂല്യത്തിന്റെ വ്യതിയാനം
(എ) കുറഞ്ഞ പി.എച്ച്. മൂല്യം-പുളി രുചി
(ബി) ഉയര്‍ന്ന പി.എച്ച്. മൂല്യം-കാരരുചി
3 ജൈവമലിനീകരണം
(എ) നിറവ്യത്യാസം സംഭവിക്കുക
(ബി) അരോചകമായ മണം, രുചി
4 കാഠിന്യം അധികമാകുക
(എ) പതയുന്നതിന് കൂടുതല്‍ സോപ്പ് ആവശ്യമായി വരിക
(ബി) ചൂടാക്കുമ്പോള്‍ വെളുത്തപൊടി അടിയുക
5 പായല്‍ വളര്‍ച്ച
(എ) പകല്‍സമയത്ത് നിറം മോശമാകുകയും രാത്രിസമയത്ത് സാധാരണ നിറമാകുകയും ചെയ്യുക
(ബി) ജലത്തിന് അസ്വസ്ഥമായ മണവും രുചിയും ഉണ്ടാകുക
6 കാര്‍ബണേറ്റ് അടിഞ്ഞു ചേരുക
(എ) ജലം തട്ടുന്ന സ്ഥലങ്ങളില്‍ വെളുത്ത പൊടികാണുക
(ബി) ജലത്തിന് വെളുത്തനിറമുണ്ടാകുക
7 കീടനാശിനിയുടെ സാന്നിദ്ധ്യം
8 അമിതമായ ഫ്‌ളൂറൈഡും ക്ലോറൈഡും
മേല്‍ പറഞ്ഞ ജലമലിനീകരണഅവസ്ഥകളെ ഇല്ലായ്മ ചെയ്ത് ജലം ശുദ്ധീകരിക്കാന്‍ നാം ശ്രദ്ധിക്കേണ്ടതാണ്. ജലശുദ്ധീകരണപ്ലാന്റില്‍ വെച്ച് മാത്രം നടത്താന്‍ കഴിയുന്ന ശുദ്ധീകരണമാര്‍ഗ്ഗങ്ങളെ പറ്റി പരാമര്‍ശിക്കുന്നില്ല. വീടുകളില്‍ നമുക്ക് ചെയ്യാവുന്ന ചില പ്രവര്‍ത്തനങ്ങള്‍ പരാമര്‍ശിക്കുന്നത് ഉചിതമായിരിക്കും.
ബാക്ടീരിയകളുടെയും മറ്റു രോഗാണുക്കളുടെയും സാന്നിദ്ധ്യം ഒഴിവാക്കാന്‍ ജലം ചൂടാക്കിയാല്‍ മതി. ബ്ലീച്ചിംഗ്പൗഡര്‍ ചേര്‍ക്കുന്നതും അണുനശീകരണത്തിനുള്ള മാര്‍ഗ്ഗമാണ്. കൂടാതെ ആല്‍ഗകളുടെ വളര്‍ച്ചയെയും ഇത് തടയുന്നു. ജലത്തെ ചിരട്ടക്കരിയിലൂടെ കടത്തിവിട്ടാല്‍ കീടനാശിനികള്‍ മൂലമുള്ള വിഷാംശം ഒഴിവാക്കാവുന്നതാണ്. കിണറിന്റെ മുകള്‍ഭാഗം മൂടിയിടരുത്. കപ്പിയും കയറുമുപയോഗിച്ച് കുടിവെള്ളം എടുക്കുന്നതാണ് നല്ലത്. ഇങ്ങനെ ചെയ്യുമ്പോള്‍ ഓക്‌സിജനുമായി കൂടുതല്‍ ജലം ബന്ധപ്പെടുന്നു.
വാട്ടര്‍ ട്രീറ്റ്‌മെന്റ് പ്ലാന്റ്മുമ്പ് പറഞ്ഞതുപേലെയുള്ള മലിനീകരണപ്രശ്‌നങ്ങള്‍ ഒന്നായിതന്നെ ജലത്തില്‍ കാണാവുന്നതാണ്. ഈ മലിനീകരണപ്രശ്‌നങ്ങളെല്ലാം ഇല്ലായ്മ ചെയ്ത് ശാസ്ത്രീയമായി ജലം ശുദ്ധീകരിക്കുക എന്ന പ്രക്രിയയാണ് ജല ശുദ്ധീകരണ പ്ലാന്റില്‍ ചെയ്യുന്നത്.
ഒരു ജലശുദ്ധീകരണ പ്ലാന്റിന്റെ പ്രധാനപ്പെട്ട ഭാഗങ്ങളാണ്.1) എയറേറ്റര്‍ 2) ഫ്‌ളാഷ് മിക്‌സര്‍ 3) ക്ലാരിഫ്‌ളോക്കുലേറ്റര്‍ 4) ഫില്‍ട്ടര്‍ 5) ഡിസ്ഇന്‍ഫെക്ഷന്‍യൂണിറ്റ് 7)ലബോറട്ടറി
ആലവും ലൈമും ജലവുമായി നേരിട്ട് മിക്‌സ് ചെയ്യുന്നതിന് ഫ്‌ളാഷ് ഉപയോഗിക്കുന്നു. ക്ലാരിഫ്‌ളോക്കുലേറ്റര്‍ അടിയിക്കല്‍ നടത്തുന്നതിനുള്ള യൂണിറ്റാണ്. ജലത്തിന്റെ ഗുണനിലവാരം അളക്കുന്നത് ലബോറട്ടറിയില്‍ വെച്ചാണ്.
ഒരു വാട്ടര്‍ട്രീറ്റ്‌മെന്റ് പ്ലാന്റില്‍ പ്രധാനമായും നടത്തുന്ന ശുദ്ധീകരണപ്രക്രിയകള്‍ താഴെ പറയുന്നവയാണ്:
1) എയറേഷന്‍: എയറേഷന്‍ എന്നതു കൊണ്ട് ഉദ്ദേശിക്കുന്നത് ജലത്തെ വായുവുമായി ബന്ധിപ്പിക്കുക എന്നു മത്രമാണ്.
2) അടിഞ്ഞുചേരല്‍ (സെഡിമെന്റെഷന്‍): ജലത്തില്‍ അലിയാതെ നില്‍ക്കുന്ന മാലിന്യങ്ങളെ കുറേസമയം അനങ്ങാതെ നിര്‍ത്തി അടിയിച്ചെടുക്കുന്ന പ്രവൃത്തിക്കാണ് സെഡിമെന്റെഷന്‍ എന്നു പറയുന്നത്. അടിയിക്കലിന് പ്രധാനമായും ഉപയോഗിക്കുന്ന രാസവസ്തുക്കള്‍ ആലവും ഫെറിക് സള്‍ഫേറ്റുമാണ്.
3) അരിക്കല്‍ (ഫില്‍ട്രേഷന്‍)ആല്‍ഗ, ബാക്ടീരിയ, വൈറസ് തുടങ്ങിയ സൂക്ഷ്മജീവികളെയും കളിമണ്ണ്, ഊറല്‍, മണ്ണ് തുടങ്ങി തീരെ ചെറിയ അലേയ വസ്തുക്കളെയും മാറ്റിയെടുക്കുന്നതിലാണ് ജലശുദ്ധീകരണത്തില്‍ ഫില്‍ട്രേഷന്റെ പ്രസക്തി. നിറവും മണവും കലക്കലും മാറ്റിയെടുക്കുന്നതിനും ഈ പ്രക്രിയ സഹായിക്കുന്നു. വാട്ടര്‍ ട്രീറ്റ്‌മെന്റ് പ്ലാന്റില്‍ ക്ലാരിഫ്‌ളോക്കുലേറ്ററില്‍ നിന്നും ജലം ഫില്‍ട്ടറില്‍ എത്തിച്ചേരുന്നു. ക്ലാരിഫ്‌ളോക്കുലേറ്ററില്‍ ഒഴിവാകാതെ പോയ ഏതെങ്കിലും കലക്കലുണ്ടെങ്കില്‍ അതിനെ ഒഴിവാക്കുക എന്നതാണ് ഇതിന്റെ ഉദ്ദേശ്യം.
അണുനശീകരണം: രോഗകാരികളായ അണുക്കളെ നശിപ്പിക്കേണ്ടത് അത്യാവശ്യമാണ്. ജലത്തിലൂടെ പകരുന്ന രോഗങ്ങളെ തടയുന്നതിന് ഇത് സഹായിക്കുന്നു. ക്ലോറിനേഷന്‍, ഡ.ഢ. കിരണങ്ങള്‍, ഓസോണ്‍, പൊട്ടാ സ്യം പെര്‍മാംഗനേററ് തുടങ്ങിയ വിവിധ മാര്‍ഗങ്ങളിലൂടെ അണുനശികരണം നടത്തുന്നു.
ആനക്കയം പെരിമ്പലം റോഡി ല്‍ സ്ഥിതിചെയ്യുന്ന വാട്ടര്‍ട്രീറ്റ്‌മെന്റ് പ്ലാന്റ് മാതൃകാപരമായ പ്രവര്‍ത്തനമാണ് കാഴ്ചവെക്കുന്നത്.
ആനക്കയം പഞ്ചായത്ത്, മഞ്ചേ രി മുനിസിപ്പാലിറ്റിയുടെ ഒരു ഭാഗം എന്നിവിടങ്ങളില്‍ ശുദ്ധജലവിതരണം നടത്തുന്നത് ഇവിടെനിന്നാണ്. കടലുണ്ടി പുഴയില്‍ നിന്നാണ് ആവശ്യമായ വെള്ളം പ്ലാന്റിലേക്ക് എടുക്കുന്നത്. വ്യാപകമായ മണലെടുപ്പ് കാരണം നമ്മുടെ പുഴ നശിച്ചുകൊണ്ടിരിക്കുകയാണ്. നാം ഓര്‍ക്കുക... പുഴയുണ്ടെങ്കില്‍ മാത്രമേ നമ്മുടെ വീടുകളില്‍ ശുദ്ധജലമെത്തൂ...
3 അഭിപ്രായ(ങ്ങള്‍):
hei it is a very good thought to start a blog for a school i wish u all the succes to this blog keep going
ഷൈജു,
താങ്കളുടെ കമന്റിന് നന്ദി. ഈ ബ്ലോഗ് ശ്രീ. പി. സച്ചിദാനന്ദന്‍ (ബി.പി.ഒ. ബി.ആര്‍.സി. മഞ്ചേരി)ഇന്ന് ഉദ്ഘാടനം ചെയ്യും. തുടര്‍ന്നും താങ്കളുടെ നിര്‍ദ്ദേശങ്ങള്‍ ഞങ്ങള്‍ പ്രതീക്ഷിക്കുന്നു. കുറവുകളും ചൂണ്ടിക്കാണിക്കുമല്ലോ.
safalyam visit cheithu.very good
ഒരു അഭിപ്രായം പോസ്റ്റ് ചെയ്യൂ